Monday, 22 September 2014
பிசினஸ் தந்திரங்கள்
3எம் - இன்னோவேஷன் மைண்ட்செட்!
ஸ்ரீராம், செயல் இயக்குநர், கிரேட் லேக்ஸ் இன்ஸ்டிட்யூட் ஆஃப் மேனேஜ்மென்ட்.
ஸ்ட்ராடஜி 38
கம்பெனிகள் ஜெயித்த கதை
கம்பெனிகள் ஜெயித்த கதை
இந்த வாரம் நாம் பார்க்கப் போகிற நிறுவனம் 3வி(Minnesota Mining and Manufacturing Co) நூறு ஆண்டுகளைக் கடந்து நிலைத்து நிற்கும் வெகுசில நிறுவனங்களில் இந்த நிறுவனமும் ஒன்று. தொழிலின் தொடக்கக் காலத்தில் காட்டிய வேகத்தைப்போலவே இப்போதும் அதே ஆர்வத்தோடும், துடிப்போடும் இயங்கிவரும் நிறுவனம் இது. இன்னோவேஷன் (புதுமைகளைப் படைப்பது) என்கிற விஷயத்தில் உலக அளவில் மூன்றாவது பெரிய நிறுவனமாக 3எம் இருக்கிறது.
ஒரு நிறுவனம் தனது தொடக்கக் காலத்தில் இப்படியான வளர்ச்சியைச் சந்திப்பது சாத்தியம். ஆனால், 104 ஆண்டுகளைக் கடந்த ஒரு நிறுவனம் இப்போதும் அதே துடிப்போடு இருப்பது சாத்தியமில்லை.
தவிர, குறிப்பிட்ட வருடங்களுக்குமேல் ஒரு நிறுவனமோ, சந்தையோ சீரான வளர்ச்சி நிலையிலேயே இருக்கும் என்று சொல்ல முடியாது. ஏதாவது ஒரு காரணத்தின் மூலம் வளர்ச்சி வேகம் மட்டுப்படலாம் அல்லது தேங்கலாம். கடந்த இருபது, முப்பது வருடங்களில் பெரிய வளர்ச்சியைக் கண்ட யாகூ, ஆர்குட், நோக்கியா போன்ற நிறுவனங்களே இதற்கு உதாரணம்.
தொழில்நுட்ப வளர்ச்சி, சந்தையின் தேவைகளில் ஏற்பட்ட மாற்றங்கள், நிறுவனக் கொள்கைகளில் ஏற்பட்ட மாற்றங்கள் என எல்லாவற்றையும் தாண்டிதான் ஒரு நிறுவனம் சந்தை யில் நிலைத்து நிற்கவேண்டும். கடந்த 104 ஆண்டுகளில் பல மாற்றங்களைக் கண்டாலும் தனது தேவையை உணரவைப்பதில் 3எம் கடைப்பிடித்த உத்திகள் முக்கியமானவை.
3எம் நிறுவனத்தைக் குறித்து ஒரே வரியில் சொல்லவேண்டும் எனில், இன்னோவேஷன். இப்போதும் புதுமையானவற்றைத் தொடர்ச்சியாகத் தந்துகொண்டே இருக்கிறது. இதற்காக தனது வருமானத்தில் 5-6 சதவிகிதத் தொகையைச் செலவிடுகிறது.
கிட்டத்தட்ட 55 ஆயிரம் தயாரிப்புகள்... எலெக்ட்ரானிக்ஸ் பொருட்கள், மருத்துவப் பொருட்கள், கார் பாதுகாப்புச் சாதனங்கள் எனப் பல தொழில்களில் இந்த நிறுவனம் ஈடுபட்டுள்ளது. லேமினேஷன், பாலிஷ், கார் ஷாம்பு உள்ளிட்ட பொருட்களைக்கூட இந்த நிறுவனம் புதிது புதிதாகக் கொடுத்துக்கொண்டே இருக்கிறது. போஸ்ட் இட், ஸ்காட்ச் கார்டு போன்றவை இந்த நிறுவனத்தின் தயாரிப்புகளே.
ஏறக்குறைய 25 ஆயிரம் பொருட்களுக்குமேல் காப்புரிமை வாங்கி வைத்திருக்கும் மிகப் பெரிய உற்பத்தி சார்ந்த நிறுவனம் இது. இதன்காரணமாகவே 3எம் நிறுவனம் தாக்குபிடித்து நிற்கிறது.
தவிர, இந்த நிறுவனம் ஒரே தொழிலை மட்டும் மேற்கொள்ளவில்லை. பல தொழில்களையும் ஒரேநேரத்தில் நிர்வகித்து வருவதும் இந்த நிறுவனத்தின் இன்னொரு சிறப்பு. இது எப்படி சாத்தியம்? இதற்காக இந்த நிறுவனம் கடைப்பிடித்த உத்திகள் என்னென்ன?
இன்னோவேஷன் என்பதை வெறும் வழிகாட்டுதல் என்கிற அளவில் மட்டுமல்ல, நிறுவனத்தின் தலைமைப் பொறுப்பிலிருந்தே இதைக் கடைப்பிடிக்கிறது. அதாவது, தலைமைப் பொறுப்பு ஏற்பவர்களும் இன்னோவேஷன் என்கிற கான்செப்டை கமிட்மென்டாக ஏற்றுக்கொள்ள வேண்டும். புதியவற்றை முயற்சித்துப் பார்க்கவேண்டும்.
தலைமைப் பொறுப்பில் உள்ளவர்களும் தங்கள் ஸ்டைலுக்கு ஏற்ப வேலை பார்க்கலாம் என்பதை ஒரு வழிகாட்டுதலாகவே வைத்திருக்கிறது இந்த நிறுவனம். தலைமைப் பொறுப்பில் உள்ளவர்களின் இந்த மனநிலை அப்படியே கடைநிலை வரை பிரதிபலிக்கும் என்பதால் இதை அனுமதிக்கிறது 3எம். சில நேரங்களில் பணத்தை, உழைப்பை இன்னோவேஷனுக்காகச் செலவழிப்பதில் தவறில்லை என்பதை ஒரு கொள்கையாகவே வைத்திருக்கிறது இந்த நிறுவனம்.
தவிர, நாம் ஆரம்பத்திலேயே குறிப்பிட்டதைபோல, கிட்டத்தட்ட 6 சதவிகித வருமானத்தைத் தனது ஆராய்ச்சி வேலைகளுக்குச் செலவிடுகிறது இந்த நிறுவனம். உற்பத்தித்துறை சார்ந்து இயங்கும் நிறுவனங்களில் ஆராய்ச்சிக்காகத் தனது வருமானத்தில் இத்தனை சதவிகிதம் ஒதுக்குவது 3எம் மட்டும்தான். தொழில்நுட்ப நிறுவனங்கள் ஆராய்ச்சிகளுக்குச் செலவிடலாம். ஆனால், உற்பத்தித் துறையில் இந்த நிறுவனம் இத்தனை ஆராய்ச்சி செய்வதால்தான் பிற நிறுவனங்களிலிருந்து வித்தியாசப்பட்டு நிற்கிறது.
இந்தச் செலவுகளிலிருந்து உடனடியான ஆதாயத்தையோ அல்லது உடனடி ரிசல்ட்களையோ எதிர்பார்க்காமல் நீண்டகால நோக்கில் என்ன விளைவைத் தரும் என்றுதான் யோசிக்கிறது. அதாவது, ஒரு புதிய ஐடியாவை நடைமுறைப்படுத்தும்போது, அதிலிருந்து கிடைக்கும் இறுதி ரிசல்ட் என்பதை மட்டுமே பார்க்கிறது இந்த நிறுவனம்.
3எம் தனது பணியாளர்களுக்கான பணிச்சூழலில், அவர்களை ஊக்குவிக்கும்விதமாக பல புதுமைகளைப் படைத்திருக்கிறது. ஒரு பணியாளர் தனது வேலை நேரத்தில் 15 சதவிகிதத்தைப் புதிய பொருட்களை உருவாக்க (இன்னோவேஷன்) நேரம் ஒதுக்கிக்கொள்ளலாம். ஒரு பணியாளரிடத்தில் ஐடியா இருக்கிறது; அதற்கு செயல்வடிவம் தரவேண்டும் என யோசித்தால் அந்த புராஜெக்ட்டுக்கு நேரத்தை எடுத்துக் கொள்ளலாம். அதற்கான அனைத்து ஏற்பாடுகளையும் நிறுவனமே செய்துதரும்.
இதிலிருந்து பாசிட்டிவ்-ஆன ரிசல்ட் வந்தேதீரவேண்டும் என்கிற எந்த கட்டாயமும் இல்லை. ரிசல்ட் நெகட்டிவாக இருந்தாலும் அதை நிறுவனம் ஏற்றுக்கொள்ளும். புதிய ஒன்றை செய்ய முயற்சிக்க வேண்டும். புதிதாக யோசிக்க வேண்டும். அதாவது, புதுமை படைக்கும் மனநிலை (இன்னோவேஷன் மைண்ட்செட்) ஊழியர்களிடம் வரவேண்டும். ஊழியர்களை இப்படி யோசிக்க வைப்பதன் மூலம் பல ஆயிரம் புதிய தயாரிப்புகளைக் கொண்டுவர முடிந்திருக்கிறது இந்த நிறுவனத்தால்.
தவிர, ஒரு புராஜெக்ட்டுக்குக் கூடுதலாக உதவிகள் தேவைப்படுகிறது எனில், நிறுவனம் மேற்கொள்ளும் எந்த ஒரு தொழிலில் இருந்தும் உதவிகளை வாங்கிக்கொள்ளலாம். ஏனென்றால், 3எம் கிட்டத்தட்ட நாற்பதுக்கும் மேற்பட்ட பல்வேறு தொழில்களையும் மேற்கொண்டு வருகிறது. பிற்காலத்தில் கூகுள், ஃபேஸ்புக் போன்ற நிறுவனங்கள் இந்த ஐடியாவை தங்கள் நிறுவனங்களிலும் பின்பற்ற ஆரம்பித்தது.
பேசு, கலந்து பேசு, கலந்து உரையாடு என்பதை ஒரு கொள்கையாகவே இந்த நிறுவனம் ஊக்குவிக்கிறது. புதுமை படைக்கும் ஊழியர்களுக்கு அன்பளிப்புகள், பாராட்டுகளை வழங்குவதிலும் இந்த நிறுவனம் தயங்குவதில்லை. ஒரே தொழிலில் ஒரு கொள்கையை வகுத்துக்கொண்டு இறங்குவதைவிட, ஒவ்வொரு முனையிலிருந்தும் பல யோசனைகள் கிடைக்கச் செய்து, அதைச் செயலுக்குக் கொண்டுவந்ததன் மூலம் புதிய மேலாண்மை தந்துவங்களை உருவாக்கியது இந்த நிறுவனம்.
புதுமை படைக்கும் இந்த சிந்தனைதான் இந்த நிறுவனத்தைப் பல்வேறு தொழில்களை நோக்கி நகர வைத்தது. ஒவ்வொருவருக்குள்ளும் இந்தப் புத்தாக்க மனநிலையை கொண்டுவருவது சாதாரணக் காரியமில்லை. ஆனால், 3எம் அந்தச் சாதனையைச் செய்து, இன்றும் இளமைத் துடிப்போடு செயல்பட்டு வருகிறது!
Water Plastic Bottle Making in tamil
பணம் கொட்டும் தொழில்கள்
பெட் பாட்டில் தயாரிப்பு!
நீரை.மகேந்திரன்
கண்ணாடி பாட்டில்களுக்கு மாற்றாக வந்திருப்பவைதான் பெட் பாட்டில்கள். கண்ணாடி பாட்டில்களைவிடக் கூடுதல் பாதுகாப்பும், காற்றழுத்தத்தைத் தாங்கக்கூடிய தன்மையும் கொண்டவை இந்த பெட் பாட்டில்கள். ஒரு முறை பயன்படுத்திவிட்டு தூக்கி எறிந்துவிடலாம் அல்லது இந்தப் பாட்டில்களை மறுசுழற்சி செய்யலாம் என்பதால் பெட் பாட்டில் தயாரிக்கும் தொழிலுக்கு நிறைய வரவேற்பு!
மருந்து மற்றும் எண்ணெய், சுத்திகரிக்கப்பட்ட குடிநீர் போன்றவை அடைத்து விற்பதற்கும், ஊறுகாய், பினாயில் போன்றவை அடைப்பதற்கும் ஏற்ற சின்னச் சின்னப் பாட்டில்கள் விற்பனைக்கான வாய்ப்புகளாக உள்ளன. எந்தப் பகுதியிலும் இந்தத் தொழிலை தொடங்கலாம் என்பது இதிலிருக்கும் கூடுதல் சிறப்பு.
பெட் என்பது கிரானுவல் டைப்பில் வரும். இதை இன்ஜெக்ஷன் மோல்டிங் என்கிற முறையில் பிரீஃபார்ம் (Preform) என்கிற சிறிய பாட்டில்களாகத் தயாரிப்பார்கள். இது சிறிய காற்று அடைக்கப்பட்ட பலூன்போல இருக்கும். இதுதான் பெட் பாட்டில் தயாரிப்பின் மூலப்பொருள்.
பெட் பாட்டில் தயாரிக்க அந்த இயந்திரங்களில் பொருத்துவதற்குத் தேவையான அளவு அச்சுக்களை இணைக்க வேண்டும். இந்த இயந்திரத்துடன் காற்று அழுத்தம் உள்ள கம்ப்ரஸர் இணைப்பு வேண்டும். இந்த பிரீஃபார்ம் பாட்டில்களை இயந்திரத்தில் பொருத்தி அழுத்தமான வெப்பக் காற்றை உட்செலுத்தினால், சிறிய பாட்டில் போன்ற வடிவம் விரிவடைந்து, நாம் பொருத்தி உள்ள அச்சின் வடிவம் பெற்று பாட்டில்களாக மாறும். அவற்றை வெளியே எடுத்து குளிர்வித்து, அதற்கான மூடியை இணைத்து விற்பனைக்கு அனுப்பலாம்!
பொதுவாக, பெட் பாட்டிலுக்கான பிரீஃபார்ம் விற்பனை செய்பவர்களே பெட் பாட்டில் மூடியையும் தயாரித்துத் தருவார்கள். நாம் மூடியுடனோ அல்லது மூடியில்லாமலோ விற்பனை செய்யலாம்.
திட்ட அறிக்கை! (ரூ.)
பெட் பாட்டில் தயாரிக்கும் ஓர் இயந்திரத்தை வாங்க ரூ.5 லட்சம் ஆகும். நாம் இரண்டு இயந்திரங்கள் வாங்கலாம். ஒரு மணி நேரத்தில் 1,200 பாட்டில்கள் வரை உற்பத்தி செய்ய முடியும். இதற்கான கம்ப்ரஸர் இயந்திரம் ரூ.6 லட்சம் ஆகும்.
கட்டடம்: வாடகை (அ) சொந்தமாக
இரண்டு இயந்திரங்கள் : 10 லட்சம்
கம்ப்ரஸர் இயந்திரம் : 6 லட்சம்
மின்சாரம் : 1 லட்சம்
நடைமுறை மூலதனம் : 6 லட்சம்
மொத்தம் : 23 லட்சம்
இரண்டு இயந்திரங்கள் : 10 லட்சம்
கம்ப்ரஸர் இயந்திரம் : 6 லட்சம்
மின்சாரம் : 1 லட்சம்
நடைமுறை மூலதனம் : 6 லட்சம்
மொத்தம் : 23 லட்சம்
மானியம் (ரூ.)
பாரதப் பிரதமரின் வேலைவாய்ப்பு உருவாக்கும் திட்டத்தின் மூலம் 25 - 35% வரை மானியம் பெற முடியும். அல்லது நீட்ஸ் திட்டத்தில் 25% மானியத்துடன் துவங்கலாம்.
நமது மூலதனம் : 1.15 லட்சம்
மானியம் 25% : 5.75 லட்சம்
காலக்கடன் :16.10 லட்சம்
மானியம் 25% : 5.75 லட்சம்
காலக்கடன் :16.10 லட்சம்
உற்பத்தி!
ஒரு மணி நேரத்துக்கு 1,000 பாட்டில்கள் வீதம் ஒரு ஷிப்ட்-க்கு 8,000 பாட்டில்கள் வரை செய்யலாம். நாம் இரண்டு இயந்திரங்களை வைத்திருப்பதால், 16 ஆயிரம் பாட்டில்கள் உற்பத்தி செய்ய முடியும். பிரீஃபார்ம் பாட்டில்கள் 1 கிலோ ரூ.140. ஒரு பாட்டில் 19-21 கிராம் வரை வரும். நாம் ஒரு லிட்டர் அச்சில் தயாரிப்பதாக எடுத்துக்கொண்டால், ஒரு கிலோ பிரீஃபார்ம் மூலம் 50 பாட்டில்கள் கிடைக்கும்.
நமது ஒருநாள் உற்பத்தியான 16 ஆயிரம் பாட்டிலுக்கு 320 கிலோ பிரீஃபார்ம் தேவை. ஒரு மாதத்துக்கு 25 வேலை நாட்கள் எனக் கணக்கிட்டால் 8 டன் மூலப்பொருள் தேவைப்படும் (320ஙீ25=8,000 கிலோ).
ஒரு டன் மூலப்பொருளின் (1,000 கிலோ) விலை ரூ.1.40 லட்சம் எனில், 8 டன்னுக்கு ரூ.11.20 லட்சம் தேவை. நடைமுறை மூலதனம் குறைவாக இருப்பவர்கள் உற்பத்தியைக் குறைத்துக் கொள்ளலாம்.
செலவுகள்! (ரூ.)
மூலப்பொருள்: 11.20 லட்சம்
வேலையாட்கள்:
மேலாளர் : 1X10,000 = 10,000
பணியாளர்கள் : 5X7000 = 35,000
உதவியாளர்கள் : 2X5000 = 10,000
விற்பனையாளர் : 1X8,000 = 8,000
______________
மொத்தம் 63,000
______________
பணியாளர்கள் : 5X7000 = 35,000
உதவியாளர்கள் : 2X5000 = 10,000
விற்பனையாளர் : 1X8,000 = 8,000
______________
மொத்தம் 63,000
______________
மின்சாரம் 50 ஹெச்.பி : 20,000
சாதாரணமாக ஒரு பிரீஃபார்ம் 20 கிராம் இருக்கும். ஒரு கிலோவுக்கு 50 எண்ணிக்கை என்று கொண்டால், ஒன்றின் விலை ரூ.2.80. ஒரு பாட்டில் விற்பனை விலை ரூ. 3.20.
சிறிய ஆர்டர்கள் எனில் ரூ.3.60 வரை விற்கலாம். சராசரி விலை ரூ.3.40 எனக் கொண்டால், தினசரி 16,000 பாட்டில்களும் மாதமொன்றுக்கு 4 லட்சம் பாட்டில்களும் உற்பத்தி செய்வோம். ஆர்டர்களைப் பொறுத்து உற்பத்தியை அதிகரிக்கலாம்!
மொத்த வருமானம்: 4,00,000ஙீ3.40 = 13,60,000 (அதிகமாகத் தயாரிக்கும்போது வருமானமும் அதிகரிக்கும்)
மொத்த செலவுகள்: (ரூ.)
வாடகை : 10,000
மூலப் பொருட்கள் : 11,20,000
மின்சாரம் : 20,000
தொழிலாளர்கள் : 63,000
கடன் வட்டி (12.5%) : 16,700
கடன் தவணை (72 மாதம்) : 22,300
இயந்திரப் பராமரிப்பு : 10,000
விற்பனை செலவு : 10,000
தேய்மானம் : 20,000
மேலாண்மை செலவு : 10,000
மொத்தம் : 13,02,000
மொத்த வருமானம் : 13,60,000
மொத்த செலவு : 13,02,000
லாபம் : 58,000
மூலப் பொருட்கள் : 11,20,000
மின்சாரம் : 20,000
தொழிலாளர்கள் : 63,000
கடன் வட்டி (12.5%) : 16,700
கடன் தவணை (72 மாதம்) : 22,300
இயந்திரப் பராமரிப்பு : 10,000
விற்பனை செலவு : 10,000
தேய்மானம் : 20,000
மேலாண்மை செலவு : 10,000
மொத்தம் : 13,02,000
மொத்த வருமானம் : 13,60,000
மொத்த செலவு : 13,02,000
லாபம் : 58,000
மூடியுடன் கேட்கும்போது மூடி விலை 25 பைசா முதல் 30 பைசா வரை கூடுதலாகச் செலவாகும்.
பணம் கொட்டும் தொழில்கள்:\!
பேக்கிங் செய்யவேண்டிய பொருட்களைக் கையாள்வதில் அட்டைப் பெட்டிகள் அவசியமாகிவிட்டன. பெரிய பெரிய பண்டல்கள் முதல் சின்னக் கண்ணாடி பொருட்கள் வரை பாதுகாப்பாக அனுப்பிவைக்க அட்டைப் பெட்டிகள்தான் சரியான தீர்வாக இருக்கிறது.
உணவுப்பொருட்கள், சோப்பு முதற்கொண்டு எல்லாமே அட்டைப் பெட்டிகளின் ஆதிக்கம்தான். பொதுவான அளவுகளில் செய்து விற்பதற்கான வாய்ப்புகள் குறைவு என்றாலும், ஆர்டர்களுக்கேற்ப வேலைகள் தொடர்ந்து இருந்துகொண்டே இருக்கும். எனவே, வணிக ரீதியாக மிகுந்த முக்கியத்துவம்கொண்ட அட்டைப் பெட்டிகள் தயாரிப்பதும் லாபம் மிகுந்த தொழிலே. தவிர, இந்த அட்டைப் பெட்டிகளைப் பயன்படுத்தியபின் மறுசுழற்சி செய்ய முடியும் என்பதும், விலை குறைவானது மற்றும் எளிதாக கையாளுவதற்கு ஏற்ப குறைந்த எடை என்பதும் குறிப்பிடத்தக்கது. உள்ளூர் தேவைகளுக்கு ஏற்ப ஆர்டர்களை எளிதில் பிடித்துவிட முடியும். எனவே, இந்த வாரம் இதுகுறித்துப் பார்ப்போம்.
மேல்பக்கமும், கீழ்பக்கமுமாக இரண்டு கிராஃப்ட் பேப்பர்கள், இடையில் ஓர் அச்சின் மூலம் வளைவு வளைவாக இரண்டு கிராஃப்ட் பேப்பர்கள். இந்தப் பேப்பர்களைப் பசை மூலம் ஒட்டவைத்து, அதன் முன்புறமும் பின்புறமும் இணைக்கப்படும். இந்தத் தொழில் இயந்திரமயமாக்கப்பட்ட தொழில். சரியாகச் செய்தால் லாபம் நிச்சயம்.
திட்ட மதிப்பீடு!
நிலம் : சொந்தமாக அல்லது வாடகை
இயந்திர வகை
(ஐந்து அடுக்கு பெட்டிக்கு) : ரூ.25 லட்சம்
மின்சாரம் மற்றும் இதர
செலவு : ரூ.5 லட்சம்.
நடைமுறை மூலதனம் : ரூ.7.50 லட்சம்.
இந்தத் திட்டத்துக்கு 'நீட்ஸ்’ திட்டத்தின் மூலம் மானியத்துக்கு விண்ணப்பிக்க வேண்டும். இதற்கு பட்டப் படிப்பு அல்லது பட்டயப் பயிற்சி மற்றும் ஐ.டி.ஐ. பட்டம் பெற்றவராக இருக்கவேண்டும். வயது 45-க்குள் இருந்தால் 'நீட்ஸ்’ திட்டத்தில் கடனுதவி கிடைக்கும்.
மூலதனம்!
நமது பங்கு (5%) : ரூ.1,50,000
மானியம் : ரூ.7,50,000
வங்கிக் கடன் : ரூ.21,00,000
உற்பத்தி!
ஐந்து அடுக்கு (ஃப்ளே) அட்டைப் பெட்டிகள் வரை உற்பத்தி செய்ய முடியும். 500 கிராம் எடை கொண்ட பெட்டிகள் எனில், ஒருநாளில் 10 ஆயிரம் என்கிற எண்ணிக்கையில் உற்பத்தி செய்ய முடியும். நாம் சராசரியாக 5,000 பெட்டிகள் உற்பத்தி செய்வதாகக் கணக்கில் எடுத்துக்கொள்ளலாம். இதன்படி கணக்கிட்டால் மாதத்துக்கு 62.5 டன் உற்பத்தி செய்ய முடியும். நாம் இதை 60 டன் என்கிற கணக்கில் எடுத்துக்கொள்வோம். ஒரு டன் பேப்பர் விலை ரூ.26,000 - ரூ.27,000 வரை ஆகும். நாம் ரூ.27,000 என்று வைத்துக்கொள்வோம்.
பேப்பர்களின் இடையில் ஒட்டுவதற்கான பசை தேவைப்படும். இது பவுடராகக் கிடைக்கும். தண்ணீர் சேர்த்து பயன்படுத்த வேண்டும். 60 கிலோ பசைமாவில் 300 கிலோ பசை கிடைக்கும். 1 டன் உற்பத்திக்கு 60 கிலோ பசை தேவை. இந்தப் பசை மாவு ஒரு கிலோ 35 ரூபாய். மாதத்துக்கு 60 டன் உற்பத்தி இலக்கு என்கிறபோது ரூ.1,26,000 தேவைப்படும் (60ஜ்60ஜ்35=1,26,000).
வேலையாட்கள்! (ரூ.)
மேலாளர்: 1X15,000 = 15,000
மேற்பார்வையாளர்: 2X10,000 = 20,000
ஆபரேட்டர்கள்: 10X8,000 = 80,000
துணை வேலையாட்கள்: 3X5,000= 15,000
விற்பனையாளர்கள்: 1X10,000 = 10,000
மொத்தம் = 1,40,000
மின்சாரம்: 65 ஹெச்.பி : 35,000
மூலப்பொருள்:
காகிதம் 1 டன் : ரூ27,000. ஒரு மாதத்துக்கான உற்பத்தி இலக்கு 60 டன் எனில் ரூ.16,20,000 செலவாகும்.
(60X27,000=16,20,000)
விற்பனை வரவு!
ஒரு கிலோ ரூ.38 - 40 வரை விற்பனை செய்யலாம். நாம் ரூ.38-க்கு விற்பனை செய்கிறோம் எனக் கொண்டால் ஒரு மாத விற்பனை வரவு ரூ.22,80,000
மொத்த செலவு! (ரூ)
மூலப்பொருட்கள் : 16,20,000
பசை : 1,26,000
வேலையாட்கள் : 1,40,000
மின்சாரம் : 35,000
கடன் வட்டி (12.5%) : 21,875
கடன் தவணை
(60 மாதங்கள்) : 35,000
நடைமுறை மூலதன வட்டி: 7,800
இயந்திரப் பராமரிப்பு : 10,000
மேலாண்மைச் செலவு : 10,000
விற்பனைச் செலவு : 10,000
தேய்மானம் : 38,000
_________
மொத்த செலவு : 20,53,675
_________
மொத்த வரவு : 22,80,000
மொத்த செலவு : 20,53,675
_____________
லாபம் : 2,26,325
_____________
பரிசுப் பொருட்களை அழகாக பேக்கிங் செய்யணுமா? கடித உறைகளை ஒட்டணுமா? படங்களை சுவரில் ஒட்டணுமா? இல்லை, குழந்தைகளின் கிழிந்துபோன நோட்டுப் புத்தகத்தை ஒட்டணுமா? எல்லாவற்றுக்கும் நாம் தேடும் ஒரே ஒரு பொருள் செல்லோ டேப்! அதுமட்டுமல்ல, டெக்ஸ்டைல்ஸ், தோல் பொருட்கள், ஹார்டுவேர் போன்ற பல்வேறு துறைகளிலும் இந்த செல்லோ டேப் மிக முக்கியமான பொருளாகப் பயன்படுகிறது. அவ்வளவு தேவை மிகுந்த பொருளான செல்லோ டேப் தயாரிப்பது குறித்துதான் இந்த வாரம் நாம் பார்க்கப்போகிறோம்...
சந்தை வாய்ப்பு!
ஸ்டேஷனரி கடைகள், ஃபேன்ஸி ஸ்டோர்கள் என சில்லறை கடைகளிலும் பெரிய பெரிய தொழிற்சாலைகளிலும் இந்த செல்லோ டேப்புகளை விற்பனை செய்ய முடியும். செல்லோ டேப் பிஸினஸ் ஒவ்வொரு ஆண்டும் 15% வளர்ச்சி காண்கிறது. தொழிற்துறை வளர்ச்சி காரணமாக இத்தொழிலுக்கு உருவாகி இருக்கும் சந்தை வாய்ப்பும் அதிகம். எனவே, புதிதாக இத்தொழிலில் இறங்குகிறவர்களுக்கு நல்ல வாய்ப்பாக அமையும்.
முதலீடு!
குறைந்தபட்சம் 8 லட்சம் ரூபாய் முதல், கோடிக் கணக்கில் இதில் முதலீடு செய்யலாம். ஆண்டுக்கு 2.70 லட்சம் மீட்டர் செல்லோ டேப் தயாரிக்க சுமார் 18 லட்சம் முதலீடு தேவை.
மூலப் பொருள்!
கட்டடம்!
இயந்திரங்களைப் பொறுத்து வதற்கு, தயார் செய்த செல்லோ டேப்களை ஸ்டோர் செய்து வைப்பதற்கு என 1,500 முதல் 4,000 சதுரடி வரை இடம் தேவைப்படும். சொந்தமாகவோ, வாடகைக்கோ எடுத்து இந்த பிஸினஸைத் தொடங்கலாம்.
இயந்திரம்!
கோட்டிங் இயந்திரம், ஸ்லைட்டிங் (Slitting) மற்றும் ஸ்லைசிங் (sliving) இயந்திரம். இந்த மூன்றும்தான் முக்கிய இயந்திரங்கள். இவை இருந்தாலே செல்லோ டேப் தயாரிப்பு யூனிட்டை தொடங்கிவிடலாம். மேலும், கூடுதலாக கலர் பிரின்டிங் இயந்திரம் செல்லோ டேப்பில் எழுத்துக்கள் அச்சிட பயன்படுகிறது. கோட்டிங், ஸ்லைட்டிங் மற்றும் ஸ்லைசிங் இயந்திரம் இவை மூன்றும் எட்டு லட்ச ரூபாய்க்குள் வாங்கிவிட முடியும். அதற்கு அதிகமான விலையிலும் இயந்திரங்கள் கிடைக்கின்றன. இயந்திரங்கள் அனைத்தும் சென்னை மற்றும் புதுச்சேரியில் கிடைக்கிறது.
தயாரிப்பு முறை!
மூலப் பொருட்களான அடிசிவ் எனப்படும் பசையை டேப் கிரேடு ஃபிலிம் ரோலில் கோட்டிங் இயந்திரத்தின் மூலம் கோட்டிங் செய்ய வேண்டும். இந்த பசை ஈரப்பதத்துடன் இருப்பதால் அதனை பாய்லரில் 140 டிகிரி சென்டிகிரேட் வெப்பநிலையில் சூடுபடுத்தினால், செல்லோ டேப்பாக வந்துவிடுகிறது. காட்டன், நைலான், பிளாஸ்டிக் என பல வகையிலும் இந்த செல்லோ டேப்பைத் தயாரிக்கலாம். செல்லோ டேப் தயாரான பிறகு இதனை ஸ்லைசிங் இயந்திரத்தின் மூலம் வாடிக்கையாளர்கள் கேட்கும் அளவுகளில் 5, 12, 15 மில்லி மீட்டர் என்கிற அளவுகளில் 'கட்’ செய்து கொடுத்துவிடலாம்.
மேலும், செல்லோ டேப்பில் ஏதேனும் வாசகம் பிரின்ட் செய்ய வேண்டும் எனில் கலர் பிரின்டிங் இயந்திரத்தின் மூலம் பிரின்ட் செய்து கொள்ள முடியும். 12,000 மீட்டர் டேப் கிரேடு ஃபிலிம்மில் 20,000 மீட்டர் செல்லோ டேப் தயாரிக்கலாம்.
வேலையாட்கள்!
திறமையான வேலை யாட்கள்-3, சாதாரண வேலையாட்கள்-5, மேனேஜர்-1, சூப்பர்வைஸர்-1, விற்பனை யாளர்- 2, மற்றவர்கள்-2 என மொத்தம் 14 நபர்கள் தேவைப்படுவார்கள்.
பிளஸ்!
பேக்கிங் செய்வது அனைத்து விதமான தொழில் களுக்கும் இன்றியமையாத விஷயம். எனவே, இதற்கான தேவை எப்போதும் இருந்து கொண்டே இருக்கும். தவிர, அதிக அளவிலான தயாரிப்பாளர்கள் கிடையாது என்பது கூடுதல் பலன்.
மைனஸ்!
மூலப் பொருட்களின் விலை தினமும் ஏற்ற இறக்கத்துடன் இருக்கும். தவிர, வாங்கும்போது ஒரு விலை, வாங்கிய பிறகு வேறொரு விலை என அதிகரிக்கவும் வாய்ப்புண்டு. இதற்கு தகுந்தாற்போல் விலையை நிர்ணயித்துக் கொள்ள வேண்டும்.
பலருக்கும் தெரியவராத தொழில் இது. போட்டிகள் அதிகம் இல்லாத தொழில் என்பது கூடுதல் சிறப்பு. ஆரம்பத்திலேயே இத்தொழிலில் இறங்கினால், நிச்சயம் ஜெயிக்கலாம்.
''தோதான விலையில் தந்தால் தோல்வி இல்லை!''
 ''இந்த நிறுவனம் எனது அப்பா ஆரம்பித்தது. எனது படிப்பு முடிந்ததும் நான் இந்த தொழிலைப் பார்க்க ஆரம்பித்துவிட்டேன். செல்லோ டேப்பை வெறும் ஒட்ட வைப்பதற்கான ஒரு பொருள் என்றுதான் பலரும் நினைக்கிறார்கள். இதில் காட்டன், நைலான், லெதர் என பல வகைகளில் தயாரிக்கப்படுகிறது. ஷூ-வில் அடிப்புற லேயராகவும், பைகள் மற்றும் பர்ஸ் வகைகளில் ஃபினிஷிங் வேலைகளைச் செய்யவும் பயன்படுகிறது. குறைந்தபட்ச முதலீடாக எட்டு லட்சம் ரூபாய் இருந்தாலே இந்த தொழிலை ஆரம்பித்துவிடலாம். நாங்கள் ஆண்டுக்கு 60 லட்சம் மீட்டர் செல்லோ டேப் தயாரிக்கிறோம். மூலப் பொருள் விலை மாற்றம் இத்தொழிலில் இருக்கும் பெரிய சிரமம். ஆனால், அதை சரியான முறையில் கணித்து வாடிக்கையாளருக்கு தோதான விலையில் கொடுத்தால், என்றும் நம்மை தேடிதான் வருவார்கள். தயாராகும் பொருட்களை டீலர்கள் மூலம் விற்பனை செய்யலாம். இல்லையெனில் நேரடியாகவும் ஆர்டர் எடுத்து செய்யலாம்.'' |
Subscribe to:
Posts (Atom)